Мемлекеттік кеңесші Еран Қариннің төрағалығымен Қазақстан Республикасы Президентінің жанындағы Сыбайлас жемқорлыққа қарсы іс-қимыл мәселелері жөніндегі комиссияның отырысы өтті, деп хабарлайды Egemen.kz.
Отырыста Еуропа/ГРЕКО Кеңесі жанындағы Сыбайлас жемқорлыққа қарсы күрес жөніндегі мемлекеттер тобының ұсыныстары талқыланды. Сыбайлас жемқорлыққа қарсы іс-қимылдың тиімді шараларын одан әрі енгізу мақсатында ГРЕКО-мен сындарлы өзара іс-қимылды қамтамасыз етуге баса назар аударылды.
Мемлекеттік кеңесші шетелдік сарапшылар енгізген ұсынымдарды пысықтау және оларды іске асырудың пәрменді тетіктерін әзірлеу жөніндегі қызметті жандандыру қажеттігін атап өтті.
Сондай-ақ отырыста көлеңкелі экономикаға қарсы іс-қимылдың 2021-2023 жылдарға арналған кешенді жоспарын іске асыру бойынша мемлекеттік органдар қабылдайтын шаралар талқыланды.
Талқылауды ескере отырып, комиссия қаралған мәселелер бойынша нақты ұсынымдар әзірледі.