ҚР Премьер-Министрі Әлихан Смайылов елорда әуежайында бірқатар халықаралық шараға қатысу үшін елімізге келген Өзбекстан Президенті Шавкат Мирзиёевті қарсы алды, деп хабарлайды Egemen.kz Үкіметтің баспасөз қызметіне сілтеме жасап.
Өзбекстан Президенті Азиядағы өзара іс-қимыл және сенім шаралары жөніндегі VI саммитке (12-13 қазан), ТМД мемлекет басшылары кеңесінің отырысына (14 қазан) және «Орталық Азия – Ресей» саммитіне (14 қазан) қатысады.