Ұлттық статистика бюросы ұсынған деректерге сүйенсек, елімізде өткен жылмен салыстырғанда сауда үлесі 1,4 пайызға өскен, деп хабарлайды Egemen.kz.
9 айдың қорытындысы бойынша сауда сомасы 10 трлн 625 млрд құраған. Ондағы азық-түлікке жататын тауарларының үлесі 36%, тұтынушы тауарлар – 64%.
Сауда жасағандардың басым бөлігі – Алматы, Астана, Қарағанды және ШҚО тұрғындары.
Сатып алынған тауарлардың көп бөлігі азық-түлік емес, тұтынушы тауарлар, атап айтқанда: жиһаздар, майлау материалдары, музыкалық аспаптар, тұрмыстық электр құралдары, фармацевтикалық тауарлар, компьютерлер, аяқ киім, косметикалық тауарлар мен гигиена керек-жарақтары, сағат және зергерлік бұйымдар т.б.