ТМД Бас хатшысы Сергей Лебедев ұйым аясында жоспарланған бірқатар іс-шаралар туралы айтты, деп хабарлайды Egemen.kz.
«Екі аптадан кейін Астанада ТМД Үкімет басшылары кеңесінің кезекті отырысы өтеді. Біз қазақстандық әріптестерімізбен және Үкімет аппаратымен, сондай-ақ СІМ-мен осы отырысты дайындауға көштік, ол қазірдің өзінде қалыптасқан күн тәртібіне сүйене отырып, қанық болады деп үміттенеміз. Отырыс барысында біздің ынтымақтастығымызды жетілдіруге және нығайтуға бағытталған бірқатар құжат қабылдануы тиіс», деді Сергей Лебедев ТМД мемлекеттері басшылары кеңесінің отырысынан кейін.
Ол сондай-ақ Қазақстанның төрағалығымен өтетін тағы бір іс-шара туралы хабарлады.
«Қазақстан Республикасының төрағалығымен Достастықтың жоғары органдарының бірі – ТМД Экономикалық кеңесінің отырысы өтеді, ол 9 желтоқсанда Мәскеуде, бірақ Қазақстанның төрағалығымен өтеді», деп қосты С. Лебедев.