Қарақат Жақсылыққызы Абденді Қазақстан Республикасының Президенттігіне кандидат ретінде тіркеу туралы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабы 8) тармақшасына, 59-бабына сәйкес 2022 жылғы 19 қазанда Қазақстан Республикасының Орталық сайлау комиссиясы «Кәсіби әлеуметтік қызметкерлердің ұлттық альянсы» республикалық қоғамдық бірлестігі ұсынған, 1974 жылы туған, қазақ, Астана қаласында тұратын «Қазақ Қызы» мәдени- инабаттылық қыздар институты» қоғамдық бірлестігінің төрайымы Қарақат Жақсылыққызы Абденді Қазақстан Республикасының Президенттігіне кандидат ретінде тіркеді.