16 қарашада Еуропалық одақтың Сыртқы істер және қауіпсіздік саясаты жөніндегі жоғарғы өкілі – Еуропалық комиссия вице-президенті Жозеп Боррель Қазақстанға ресми сапармен келеді. Бұл туралы Сыртқы істер министрлігінің ресми өкілі Айбек Смадияров айтты, деп хабарлайды Egemen.kz.
«Сапар аясында Жозеп Боррельдің Қазақстан Республикасы Премьер-Министрінің орынбасары – Сыртқы істер министрі Мұхтар Тілеубердімен және мемлекет басшылығымен екіжақты кездесулері жоспарлануда», деді А. Смадияров.
Тараптар келіссөздер барысында өзекті өңірлік және халықаралық мәселелер бойынша пікір алмасады.