Биыл Қазақстанда былтырғыға қарағанда өрт оқиғалары мен одан зардап шеккендер үлесі азайған, деп хабарлайды Egemen.kz.
Дегенмен Абай, Жамбыл, Шығыс Қазақстан, Қарағанды, Ұлытау облыстарында және елордада өрт оқиғаларының саны өскен.
«Көп жағдайда өртке қарапайым қауіпсіздік талаптарының бұзылуы себеп болады. Осыған орай, қауіпсіздік талаптарын сақтауға, өрттің алдын алуға бағытталған кешенді шаралар қабылдау қажет. Инспекциялардың өкілеттіктерін күшейту бойынша жұмыс жүргізу керек. Адамдар анықталған бұзушылықтарды жоюға және болашақта олардың алдын алуға өздері мүдделі болуы тиіс. Сонымен бірге автономды қазандықтарды тұрғын үйлерден қауіпсіз қашықтыққа шығару мәселесі осыған дейін бірнеше рет көтерілді. Өңір әкімдері тиісті шаралар қабылдауы керек», деді Әлихан Смайылов.