Бүгін Премьер-Министр Әлихан Смайыловтың төрағалығымен «Бәйтерек» ҰБХ» АҚ Директорлар кеңесінің отырысы өтті, деп хабарлайды Egemen.kz.
Жиында холдинг қызметінің 2022 жылғы 9 айдағы мәселелері талқыланды.
Директорлар Кеңесі ІІ тоқсандағы тәуекелдер жөніндегі есепті және биылғы жылдың ІІІ тоқсанындағы ішкі аудиттің қорытындыларын тыңдады. Сондай-ақ 2023 жылға арналған даму жоспарлары мен жылдық бюджет мәселелерді талқыланды.
Одан бөлек, отырыс аясында холдингтің 2020-2022 жылдары бюджетті пайдалануы туралы есеп ұсынылды.
Сондай-ақ кездесуде стратегиялық жоспарлау комитетінің мүшесі сайланды.