Катардың «Эль-Тумама» стадионында Франция мен Польша құрамалары әлем чемпионатының 1/8 финалдық ойынын өткізді, деп хабарлайды Egemen.kz.
Қазіргі әлем чемпионы Польша құрамасын 3:1 есебімен ұтты.
Польшамен өткен ойында Франция бірінші болып гол соқты. Нақтырақ айтсақ, Оливье Жиру 44-минутта есеп ашты. Ал 74-минутта Килиан Мбаппе есепті 2:0-ге жеткізді. 90+1-минутта Килиан Мбаппе дубль жасады. Есеп - 3:0.
Польша сапынан 90+9 минутта Роберт Левандовски француздар қақпасына белгіленген пенальти кезінде ғана гол салды.