Синоптиктер 6-8 желтоқсанға арналған ауа райы болжамын ұсынды, деп хабарлайды Egemen.kz.
Болжам бойынша, алдағы үш тәулікте Қазақстанның басым бөлігі атмосфералық қысымның жоғарылау өрісінің ықпалында болады. Осыған байланысты елімізде ашық, аязды ауа райы күтіледі. Тек республиканың оңтүстігінде, оңтүстік-шығысында атмосфералық фронттардың әсерінен қар жауып, тұман, оңтүстікте көктайғақ болады.
«Температуралық фонның күрт өзгеруі күтілмейді. 6 желтоқсанға қараған түнде Қарағанды облысында, 7-8 желтоқсанда Шығыс Қазақстан облысында 35 градусқа дейін аяз күтілуде», делінген хабарламада.