Астанада екінші ауысымда оқитын 0-9 сынып оқушылары ауа райының қолайсыздығына байланысты қашықтан оқу форматына көшірілді, деп хабарлайды Egemen.kz.
«2022 жылдың 6 желтоқсанында ауа райының нашарлауына байланысты екінші ауысымның 0-9 сынып оқушылары қашықтықтан оқыту форматына көшуде», деп хабарлады елорданың білім басқармасынан.
Бұған дейін бірінші ауысымда оқитын 0-11 (12) сынып оқушылары мен колледждердің 1-2 курс студенттері де ауа райына байланысты қашықтан оқуға көшірілген.