АҚШ-қа соққан «Элиот» қарлы бораны салдарынан 30-ға жуық адам қаза тапты, деп хабарлайды Egemen.kz Euronews-ке сілтеме жасап.
Жексенбіде 200 мыңнан астам адам электр қуатынсыз қалды. Бір күн бұрын мыңдаған ішкі және халықаралық рейстер тоқтатылды. Нью-Йорк штатында «Буффало-Ниагара» халықаралық әуежайы жабылды. Нью-Йорк пен қала маңындағы тұрғындардан газ тұтынуды азайту сұралды.
Қолайсыз ауа-райы туралы ескертулер ел халқының үштен екісіне әсер етті.
Ұлттық метеорологиялық қызметтің мәліметі бойынша, мұндай қолайсыз ауа райы АҚШ-та алғаш рет орын алды. Кейбір аудандардағы термометрлер минус 45 градусқа дейін төмендеді. Бірқатар штаттарда төтенше жағдай режимі енгізілді.