Еліміздің бес өңірінде ауа райына байланысты ескерту жарияланды, деп хабарлайды Egemen.kz.
Қазгидромет мәліметінше, 29 қаңтарда Ақмола облысының солтүстігі мен шығысында жаяу бұрқасын соғады. Жел батыстан, оңтүстік-батыстан, түнде солтүстік пен шығыстан соғып, секундына 15-20 метрге дейін жетуі мүмкін.
Ақтөбе облысының солтүстігі мен шығысында тұман түседі.
Батыс Қазақстан облысының батысы мен солтүстігінде және Орал қаласында тұман күтіледі.
Сондай-ақ тұман Қызылорда облысының солтүстігі мен Түркістан облысының оңтүстік аймағында болады деген болжам бар.