«AMANAT» партиясының кезектен тыс Съезінің күн тәртібі бекітілді

Кеңес қаулысымен кезектен тыс XXV Съездің күн тәртібі бекітілді: Партия Саяси кеңесінің құрамына өзгерістер енгізу; Партиялық тізімдер және бірмандаттық аумақтық сайлау округтері бойынша сайланатын Қазақстан Республикасы Парламенті Мәжілісінің депутаттығына кандидаттарды бекіту; Партияның сайлауалды бағдарламасын талқылау.

Еске салайық, партия Төрағасы Ерлан Қошановтың шешімімен «AMANAT»-тың Съезі 7 ақпанда Астана қаласында өтеді. Съезд жұмысына еліміздің барлық өңірінен делегаттар қатысады.