Полиция Талдықорған қаласында қарумен жүрген ер адамды анықтағанын хабарлады, деп жазады Egemen.kz ІІМ баспасөз қызметіне сілтеме жасап.
Анықталғандай, ол бала кезінен психикалық аурумен ауыратын, ресми түрде арнайы медициналық есепте тұрған 35 жастағы жергілікті тұрғын болып шықты.
Ер адам қарт әкесімен бірге тұрады. Оның қолындағы тапанша ешқандай қауіп төндірмейтін қарапайым сувенирлік оттық болып шыққан.
«Тұрғылықты жері бойынша учаскелік полиция инспекторы жедел жәрдем бригадасын шақырып, ер адамды қалалық психиатриялық диспансерге орналастырды», деп жазылған хабарламада.