Қазақстан Республикасы Сыртқы істер министрінің орынбасары Қанат Тумыш елімізде араб мемлекеттерінің елшілерімен және уақытша сенімді өкілдерімен кездесті, деп хабарлайды Egemen.kz ведомствоның баспасөз қызметіне сілтеме жасап.
Кездесу барысында тараптар екіжақты саяси, сауда-экономикалық және мәдени-гуманитарлық ынтымақтастықтың қазіргі жай-күйі мен көпжақты форматтағы өзара әрекеттесудің мәселелерін талқылады. Екіжақты қарым-қатынастарды кең көлемде әрі қарай нығайту бойынша ой-пікірлермен алмасты.
Кездесуге қатысқандар қазіргі уақытта Қазақстан мен араб елдері арасында барлық деңгейлерде ашық әрі сенімді диалогтың орнатылғанын атап өтті. Бұл түрлі салалардағы ынтымақтың әрі қарай кеңеюін қамтамасыз етеді.
Тараптар алдағы жылдарда Қазақстанның Араб әлемімен серіктестігі жаңа сапалы деңгейге көтерілетініне сенім білдірді.
Қ. Тумыш әртүрлі саладағы екіжақты ынтымақты дамытуға әрдайым көрсетілетін қолдаулары мен үнемі дайындықтары үшін араб елшілеріне ризашылығын білдірді. Елдеріміз арасындағы қарым-қатынастарды нығайту мақсатында араб елшіліктерінің жұмыстарына жан-жақты жәрдем көрсетуге өзінің дайындығын қуаттады.
Сонымен қатар дипломаттар Таяу Шығыстағы қазіргі ахуалды талқылап, осы маңызды аймақтың саяси тұрақтылығын әрі қарай сақтау қажеттігін атап өтті.