Түркия президенті Режеп Тайип Ердоған жер сілкінісінен зардап шеккен тұрғындарға мәлімдеме жасады, деп хабарлайды Egemen.kz жергілікті БАҚ-қа сілтеме жасап.
Эрдоған жер сілкінісі кезінде құтқарушылардың тез көмек көрсетуіне нашар ауа райы кедергі келтіргенін айтты.
«Біз іздеу-құтқару жұмыстарын ойлағандай жылдам жүргізе алмадық және сол үшін де кешірім сұраймын», деді президент.
6 ақпан күні болған жер сілкінісінен 50 мыңнан астам адам қаза тапқан.
Түркияда жер сілкінісі бірнеше мәрте қайталанды. Соңғы болған жер сілкінісінен 1 адам қаза тауып, 100-ден астам адам зардап шекті. Қазір Малатьяда құтқару жұмыстары жүріп жатыр.
Әлемдік банк 6 ақпандағы жер сілкінісі Түркияға 34 миллиард доллар көлемінде шығын келтіргенін хабарлады.