Бірмандаттық округтер бойынша Парламент Мәжілісіне 385 кандидат тіркелген, деп хабарлайды Egemen.kz.
Бұл туралы Орталық сайлау комиссиясының төрағасы Нұрлан Әбдіровтің 13 наурыздағы жағдай бойынша жасаған мәлімдемесінде айтылған.
Ең үлкен бәсекелестік Астана және Алматы сайлау округтерінде байқалады. Бұл аймақтарда бір мандатқа 38 және 40, сондай-ақ 30, 28 және 27 кандидат тіркелген. Тіркеу қорытындысы бойынша ең аз бәсекелестік Түркістан облысының №25 округінде – мұнда бір мандатқа 4 кандидат.
Айта кетейік, бастапқыда елордадағы №1 және №2 сайлау округіне 63 үміткерден ұсыныс түскен еді. Сондай-ақ Алматы қаласындағы №3, №4 және №5 сайлау округінде де кандидаттар үлесі басым болған.