Қазақстанның 4 облысында қолайсыз ауа райына байланысты ескерту жарияланды, деп хабарлайды Egemen.kz «Қазгидромет» РМК баспасөз қызметіне сілтеме жасап.
20 наурызда Астанада түнде және таңертең тұман күтіледі.
Түнде Ақмола облысының шығысында баяу бұрқасын күтіледі. Түнде және таңертең облыстың батысы мен оңтүстігінде тұман түседі. Солтүстік-шығыстан соғатын жел оңтүстік-батысқа ауысады, екпіні 15-20 м/с дейін жетеді.
Жамбыл облысының таулы аймақтарында тұман күтіледі. Оңтүстік-батыстан солтүстік-шығысқа екпіні 23 м/с жел соғады.
Солтүстік Қазақстан облысының солтүстігінде күндіз оңтүстік-батыстан соғатын желдің екпіні 15-20 м/с дейін жетеді деп күтіледі. Петропавлда 20 наурызда оңтүстік-батыстан соғатын желдің екпіні күндіз 15-20 м/с болады.