Шариғат бойынша кімдер зекет беруге тиіс?

Зекет парыз болу үшін мұсылман болуы, балиғат жасына жетуі, ақыл-есінің дұрыс болуы, байлығы шариғат белгілеген нисап мөлшеріне жетуі және байлығы қолында бір жыл сақталған болуы керек.   Осы тұста зекет үш түрлі мал-мүліктен берілетінін атап өткен орынды: алтын, күміс, ақша, сауда тауарлары және басқа да құнды заттар; төрт түлік малдан: түйе, сиыр, қой, ешкі; егіндік және жеміс-жидектен зекет беріледі.