Мемлекет басшысы Қасым-Жомарт Тоқаевты ҚХР Төрағасы Си Цзиньпин ресми түрде қарсы алды, деп хабарлайды Egemen.kz Ақорданың баспасөз қызметіне сілтеме жасап.
Бүгін Президент Қасым-Жомарт Тоқаев Қытай Халық Республикасына мемлекеттік сапармен барды.
Сапар аясында Мемлекет басшысы ҚХР Төрағасы Си Цзиньпинмен келіссөз жүргізеді деп жоспарланып отыр.
Сондай-ақ кездесу барысында екі ел арасындағы стратегиялық серіктестікті одан әрі нығайту, сауда және экономика, инвестиция, көлік-логистика, энергетика салаларындағы ынтымақтастықты кеңейту, сондай-ақ мәдени-гуманитарлық байланыстарды тереңдету мәселелері қарастырылады.