Тамақтанудың да тәртібі бар

Алматы қаласындағы бі­лім берудегі жаңа технологиялар ғылыми-әдістемелік орталығының бөлім басшысы Татьяна Ежованың айтуынша, «Саламатты тамақтану мектебі» бағдарламасы 2013 жылы басталған. 10 жыл ішінд­е педагогтердің және ата-ана­лардың күшімен біршама іс тындырылған. Мәселен, был­тыр бағдарлама аясында мұғалімге арналған әдістемелік құралдан, жұмыс парақтарынан және оқушыларға арналған презентациялардан тұратын жаңа цифрлық курс құрылды. Ол сараптамадан сәтті өтіп, жаңа оқу жылында іске қосылады. Аталған курс Астана мен Ал­матының ғана емес, еліміздің барлық өңірінің педагогтері үшін қолжетімді болады.

Астана қаласындағы әдіс­темелік орталықтың басшысы Сындар Дәуешованың айтуынша, дені сау оқушыны тәрбиелеу – жалпыға ортақ әрі кешенді мәселе. «Сондықтан бастауыш сыныптарда дұрыс тамақтанудың маңызы туралы білім мен идеяларды жүйелі түрде алуы үшін оқу-тәрбие үдерісін құру маңызды. Бұл бағыттағы тиімді құралдың бірі – «Саламатты тамақтану мек­тебі» бағдарламасы. Ол бас­тауыш сынып оқушылары­на арналған. Өйткені дәл осы жаста мінез-құлықтың барлық нор­масы, күн тәртібі мен тамақтану тәртібі белгіленеді», дейді С.Дәуешова.

Педагогика ғылымдарының кандидаты Александра Ма­кееваның айтуынша, қоғамда денсаулық мәдениетін ілге­рілету арнайы ағарту жұ­мы­сын­сыз мүмкін емес. Өйт­кені пайдалы әдеттердің қалып­тасуы неғұрлым ерте басталса, нәтиже де соғұрлым тиімді болады.

Еске сала кетейік, «Сала­мат­­ты тамақтану мек­тебі» бағдар­ламасы «Нестле. Дені сау балалар» жаһандық бас­та­масы аясында жүзеге асырылып келеді. Оның мақсаты – 2030 жылға қарай дүние жүзіндегі 50 миллион балаға саламатты өмір салтын ұстануға көмек­тесу. «Саламатты тамақ­тану мектебі» 2013 жылдан бастап Астана мен Алматы мектеп­терінде жұмыс істеп ке­ле­ді. Бағдарлама 6-8 жастағы бала­ларға бағытталған әрі мұға­лімдер өткізетін сабақ­тар жүйесі арқылы жүзеге асырыла­ды. Ол Қазақ тамақтану академиясымен және «Өрлеу» орталығымен бірлесіп әзірлен­ген. Осы күнге дейін 60 мың­ға жуық бала «Саламатты тамақ­тану мектебімен» таныс­қан.