Келесі қарсыласымыз – Сан-Марино

Наурыз айындағы Словения және Дания құрамаларымен өткен ойындарға шақырту алған тізіммен салыстырар болсақ, Магомед Адиев бұл жиынға жаңадан төрт футболшыны қосқан екен. Атап айтқанда, «Ордабасының» қақпашысы Мұхам­меджан Сейсен, «Ақтөбенің» қор­ғаушысы Әлібек Қасым, «Ақсудың» және «Қызылжардың» жартылай қорғаушылары – Мирас Тұрлыбек пен Еркін Тапалов және «Қайраттың» шабуылшысы Вячеслав Швырев биылдыққа алғаш рет ұлттық құр­а­маның оқу-жаттығу жиынына ша­қырту алып отыр.

Ал ішкі чемпионаттың ойындарында жарақат алып қалған «Орда­басының» жартылай қорғаушысы Бауыржан Исламхан, түрлі себептермен «Ақтөбенің» қақпашысы Стас Покатилов, «Ордабасының» қор­ғаушысы Ғафуржан Сүйімбаев бұл жолғы тізімнен шығып қалды. Тізім­дегі өзге ойыншылардың бәрі бұған дейінгі жиынға қатысқан болатын.

Маусымдағы маңызды ойындарда Магомед Адиев мына футболшыларға сенім артпақ. Қақпашылар: Игорь Шац­кий («Шахтер»), Мұхамеджан Сей­­сен, Бекхан Шайзада (екеуі де – «Ор­дабасы»), Данил Устименко («Қай­рат»).

Қорғаушылар: Сергей Малый, Темірлан Ерланов (екеуі де – «Ор­дабасы»), Александр Марочкин, Бағ­­дат Қайыров (екеуі де – «То­был»), Михаил Габышев, Тимур Дос­ма­ғамбетов, Абзал Бейсебеков (бар­лығы – «Астана»), Талғат Кусяпов («Каспий»), Марат Быстров («Ахмат», Ресей), Ян Вороговский («Моленбек», Бельгия), Әлібек Қасым («Ақтөбе»), Нұралы Әліп («Зенит», Ресей), Лев Скворцов («Химки», Ресей).

Жартылай қорғаушылар: Ра­ма­зан Оразов («Тобыл»), Максим Само­родов, Арман Кеңесов (екеуі де – «Ақтөбе»), Асхат Тағыберген («Ор­дабасы»), Аслан Дарабаев, Эль­хан Астанов, Исламбек Қуат (бар­лығы – «Астана»), Бақтиер Зай­нут­динов (ЦСКА, Ресей), Мирас Тұр­лыбек («Ақсу»), Еркін Тапалов («Қы­зылжар»).

Шабуылшылар: Абат Айымбетов, Владислав Прокопенко (екеуі де – «Астана»), Абылайхан Жұмабек («Ақтөбе»), Айбар Жақсылықов («Ордабасы»), Артур Шушеначев, Вячеслав Швырев (екеуі де – «Қайрат»), Ислам Чесноков («Тобыл»).

Жаттықтырушылар штабы: Магомед Адиев – бас бапкер, Ев­гений Коструб – бас бапкердің кө­мекшісі, Руслан Балтиев – бас бап­кердің көмекшісі, Валерий Ситало – қақпашылардың жаттықтырушысы, Ерлан Ибраим – дене даярлығы жаттықтырушысы, Амаль Сыздықов – сарапшы бапкер.

Оқу-жаттығу жиыны 8 маусымда Алматыда басталады. Ойыншылардың нақты тізімін Магомед Адиев бүгін сағат 16.00-де «Qazsport» телеар­на­сының тікелей эфирінде мәлімдейді.

Қазақстан құрамасы маусым айын­да сырт алаңда екі матч өткізеді. 16 мау­сым күні Магомед Адиев командасы Сан-Мариномен Италияның Парма қаласында кездеседі. Сан-Маринодағы УЕФА талабына сай келетін «Олимпико ди Серравалле» стадионы жөндеу жұмыстарына байланысты уақытша жабылғандықтан, олар өз алаңындағы матчтарды Италияда өткізеді. «Эннио Тардини» стадионындағы матч елорда уақытымен 00.45-те басталады.

Үш күннен кейін біздің құрама Солтүстік Ирландияға сапар шегіп, жергілікті футболшылармен ойнайды. Кездесудің басталуы Астана уа­қытымен 00.45-ке жоспарланған. Матч Белфаст қаласындағы «Уиндзор Парк» стадионында өтеді.

Наурыз айындағы екі тур­дың қоры­тындысы бойынша Қазақстан құрамасы үш ұпаймен турнир кес­тесінде үшінші орында келеді.