Допинг дауына іліккен атлеттер

Ауыр атлетика федерация­сы­­ тарат­қан мәлімет бойынша до­пингпен ұсталған спорт­шы­лар­дың қатарында 2018 жылы Аш­ғабаттағы әлем чем­пио­на­ты­­ның күміс жүлдегері, 2021 жы­лы Ташкентте өткен жаһан бірін­шілігінің жеңімпазы, 2020 жылғы сары құрлық додасының екі дүркін қола және күміс жүл­де­гері, сонымен қатар Азия чем­пионы деген дардай атағы бар Арли Чонтей, жуырда ғана Оң­түстік Кореяның Чинджу қала­сында ұйымдастырылған Азия чемпионатының алтын ме­даль­ иегері, жастар ара­сын­­да­ғы­ Азия чемпионы және әлем чемпионатының күміс жүл­де­гері, мамандар тарапынан­ Па­риж­ Олимпиадасында ел қоржы­нына жүлде салуы мүмкін деген­ спорт­шы­лардың қатарында болған 23 жастағы Нұрғиса Әділетұлы, ере­сектер арасындағы әлем және Азия чемпионатының қола жүл­де­гері Алексей Чур­кин, Азия чем­­пио­натының қола және күміс жүл­де­гері Артем Антропов, был­тырғы жасөспірімдер ара­сын­дағы Азия чемпио­на­ты­­ның жеңім­пазы Денис Полу­бо­я­ринов, соны­мен қатар жас­өспірім қыздар ара­сын­дағы Азия чемпионатының күміс жүлдегері Алина Колиушко мен қола жүлдегері Екатери­на Аля­­к­и­­­на бар.

«12 маусымда Ауыр атле­тика федерациясы Халықаралық тес­тілеу агенттігінен (ITA) елі­міз­дің ұлттық құрамасының спорт­шысы Артем Антроповтың допинг-сынамасы оң нәтиже көр­­сеткені туралы хабарлама алды. Спортшы допинг сына­ма­­ны 12 мамырда Оңтүстік Корея­да өткен Азия чемпионатынан кейін тапсырған болатын. Ал өзге спортшылардан допинг сынама сәуір айында жарыстан тыс жағдайда алынып, оның ішінде алты ауыр атлетіміздің қаны­нан тыйым салынған препарат табылғаны анықталып отыр. Бүгінгі күні спортшылар допин­гке қарсы ережелерді бұз­ғаны туралы хабарлама алды. Оларға тағайындалатын жаза түрі әрқай­сысы қолданған пре­пара­тын және толық тер­геу­дің нәти­жесі бойын­ша қабыл­да­нады. Жоға­ры­да аталған спорт­шы­лар­дың бар­лы­ғы қазіргі уақытта спорт­тық іс-шаралар мен оқу-жат­тығу жиын­да­рынан уақытша шет­тетілді.

Федерация «таза спорт» саясатын ұс­та­на отырып, оқиғаны тәуелсіз тексеру үшін комиссия құрды. Тергеу кезеңінде ко­миссия құрамы спортшылардың до­пинг­ті кез келген тамақ түрі арқылы абай­­сызда пайдаланғанын немесе­ до­пинг­ екенін біле тұра қаса­қана қол­дан­ға­нын анық­тайды. Тексеру үшін спорт­шы­­лар­дан дайындық кезеңінде жеген, қа­былдаған спорт­тық тамақтары мен ви­та­­мин­де­рі­нің үлгілері алынды. Сон­дай­-ақ спортшыларға «Б» сынамасын қай­та тапсыруға мүмкіндік жағын беру де­ қарастырылып жатыр», делін­ген хабарламада.

Сонымен қатар федера­ция­ спорт­­шыларды тергеу жұмыс­та­ры­нан бөлек, жұмысына сал­ғырт­тық танытқаны үшін елі­міз­дің ерлер және әйелдер құ­рама коман­даларының бас жат­тық­ты­ру­­шы­ларын қыз­ме­ті­нен­ босату тура­лы министрлікке өтініш жол­да­ғаны белгілі болды.

Допингке қарсы ұлттық орта­лы­ғының мәліметі бойынша жыл­ басынан бері 14 тау кө­тер­ген­ «толағайымыз» допингпен ұста­лып отыр. Наурыз айын­да Токио Олимпиадасының қола жүл­­дегері Игорь Сон бастаған жас­­­өспірімдер арасындағы әлем және Азия чемпионы Рахат Бек­болат, жас­өспірімдер ара­сын­да­ғы әлем және Азия чем­пио­на­ты­ның қола жүлдегері Абы­лай Әуелханов және тағы бас­қа спорт­шыларымыздың да допинг қол­данғаны анықталып, төрт жыл­дан сегіз жылға дейін спорт­тан­ шеттетілген болатын.