Аралас жекпе-жектің ең беделді ұйымы – UFC-де өнер көрсететін отандасымыз Жалғас Жұмағұлов (14-8) АҚШ-тың Флорида штатында өткен UFC on ABC 5 турнирінде кезекті айқасын өткізіп, қатарынан үшінші мәрте жеңіліп қалды.
UFC-дің ең жеңіл салмағында бақ сынайтын даңқты жерлесіміз мұхиттың арғы бетіндегі жекпе-жек кешінде америкалық Джошуа Ванмен (7-1) күш сынасып, үш раундқа жоспарланған айқаста төрешілердің бірауыздан қабылдаған шешімімен қарсыласына жол берді. Осылайша, Джошуа Ван кәсіби карьерасындағы 8-жеңісіне қол жеткізсе, Жалғас Жұмағұлов 9-рет жеңілді.
2020 жылдың шілдесінде UFC ұйымымен келісімшартқа отырған отандасымыз бүгінге дейін жеті жекпе-жек өткізіп, соның тек біреуінде ғана жеңіске жету бақыты бұйырды. Қалған алты кездесуінде қарсыластарының осал тұсын таба алмады.