Отандық кәсіпқой боксшы Айдын Елжановтың АҚШ-та қашан жұдырықтасатыны анықталды, деп хабарлайды Egemen.kz.
Aikyn.kz сайтының жазуынша, қазақстандық боксшы осы айдың 22-сі күні Калифорния штатының Лонг-Бич қаласында рингке шығуы тиіс болатын, алайда, жоспарланған жекпе-жек белгісіз себептермен өткізілмей қалған еді.
BoxRec.com ақпаратынша, Айдын Елжановтың ендігі жекпе-жегі 26 тамызда Коммерс қаласында өтеді. Оның қарсыласы – бірде-бір рет жеңіліп көрмеген америкалық боксшы Энди Бельтран. Жекпе-жек алты раундқа созылады.