Кеңейтілген құрамға енгендер

Қазақстан футбол федера­циясының баспасөз қызметі ха­бар­лағандай, жалпы тізімге 34 фут­болшы енген. Қыркүйектегі ойындарға шақырту алған футболшылармен салыстырғанда, бұл жолғы тізімге бір-екі жаңа ойыншы қосылғанымен, басым бөлігі ұлттық құрама матч­тарына бұрыннан шақырылып жүрген аяқдопшылар. Сонымен, қазан айындағы ойындарға Магомед Адиевтің таңдауы мына ойыншыларға түсіп отыр.

Қақпашылар: Игорь Шацкий («Шахтер»), Александр Заруцкий («Астана»), Бекхан Шайзада («Ордабасы»), Данил Устименко («Қайрат»);

Қорғаушылар: Сергей Малый, Темірлан Ерланов (екеуі де – «Ордабасы»), Бағдат Қайыров, Роман Асранкулов (екеуі де – «То­был»), Ян Вороговский, Алек­сандр Марочкин, Тимур Дос­мағамбетов (барлығы – «Астана»), Марат Быстров («Ахмат», Ресей), Әлібек Қасым («Ақтөбе»), Нұралы Әліп («Зенит», Ресей), Еркін Тапа­лов («Қызылжар»), Лев Скворцов («Химки», Ресей), Александр Зуев (ИМТ, Сербия);

Жартылай қорғаушылар: Асхат Тағыберген («Ордабасы»), Рамазан Оразов («Копер», Сло­вения), Максим Самородов, Арман Кеңесов (екеуі де – «Ақ­төбе»), Аслан Дарабаев, Абзал Бейсебеков, Эльхан Астанов, Исламбек Қуат (барлығы – «Астана»), Бақтиер Зайнутдинов («Бешикташ», Түр­кия), Самат Жарынбетов, Ислам Чесноков (екеуі де – «Тобыл»), Әділет Садыбеков («Қайрат»);

Шабуылшылар: Абат Айым­бетов, Владислав Про­ко­пенко (екеуі де – «Астана»), Вячеслав Швырев («Қайрат»), Рамазан Кәрімов («Мақтаарал»), Иван Свиридов («Шахтер»).

Оқу-жаттығу жиыны 6 қа­зан­да Алматыда басталады. Ойын­шы­лардың нақты тізімі кейін белгілі болады.

14 қазанға жоспарланған Да­ния – Қазақстан матчы Копен­гаген­дегі «Паркен» стадионында өте­ді. Кездесу елорда уақытымен 00.45-те басталады. Үш күннен кейін біз­дің құрама Хельсинкиге сапар шегеді. Финляндия – Қазақстан матчты 17 қазан күні Астана уақытымен 22.00-ге жос­парланған. Матч «Олим­пия» ста­дионында өтеді.