Әділетті қоғамның алғышарты

Президент Қасым-Жо­март Тоқаевтың бастамасымен қолға алынып отырған Әділетті Қазақстан жобасының халыққа берері мол, маңызы зор. Кейінгі жылдарда халық­тың әл-ауқатын көтеруге ба­ғытталған бағдарламалар: жағ­дайы жоқ отбасыларға бе­рілетін қаржы көлемінің ар­туы, зейнеткерлердің зей­нет­ақысын ұлғайту, каран­тин­ кезеңдерінде халыққа тө­ленген қаржылай көмек, аз қам­тылған шаңырақ пен көп­балалы отбасыларға бір рет­тік кредиттік амнистия, сту­денттердің шәкіртақысы мен ұстаздардың айлығын көбей­ту секілді игі шаралар атқа­рылып келеді. 2024 жылдан бастап 18-ге толмаған әр азаматымызға дербес шот ашылып, оның қорына қар­жылай көмек аудару да жос­парланып отыр. Одан басқа да Үкіметтің қайта жасақталуы, халықтың мүддесін ойлайтын басшылардың келуі, жаңашыл депутаттардың мінберге көте­ріліп, халықаралық қарым-қатынастарды оң бағытта реттеу, елде бейбітшілік пен тату­лықты сақтау мақсатында ха­лықаралық кездесулер, келіс­сөздер жүргізу сияқты Мем­ле­кет басшысының тара­пынан жүзеге асырылып жатқан істер аз емес. Елдегі экономикалық жағдайдың артуы мен ел бо­ла­шағы тек басшылықтың құзыретіндегі мәселе емес, сонымен қатар барша халық бо­лып бірлесе атқаратын шаруалар мен игі істердің үлес салмағы мол.

Мемлекет тарапынан бері­ліп жатқан білім гранттары мен басқа да қаржылай грант­тар – ел болашағына жа­сал­ған инвестиция, елдің жар­қын болашағының кепілі. Осы іс-шаралардың оң жолға қойылуы – Әділетті Қазақ­стан құрудың басты қадамы­ның бірі. Осындай игі іс-шаралар­мен қатар, халықтың рухани дамуы мен ішкі және сыртқы мәдениетке назар аударуы, білім­ге ұмтылуы – ортақ мүддеге жетудегі алғы­шарт­тардың бірі. Ел әлеуеті­нің көтеріліп, халықтың жағ­дайының артуы болашақ үшін маңызды рөл атқарады. Мемлекетіміздің көркеюіне үлесін қосу – сана­лы ұрпақ міндеті. Әділетті қо­ғам­ның парасатты ұрпақтың қа­та­рына қосылудың күні алыс емес екеніне шынайы сенемін.

Еңлік ҚАСАБЕКОВА,

Философия, саясаттану және дінтану институтының аға ғылыми қызметкері