Әнші, Мемлекеттік сыйлықтың иегері, Қазақстанның халық әртісі Роза Рымбаева «Жібек жолы» арнасына берген сұхбатында «Халық әртісі» атағына қатысты пікір білдірді.
«Ең жоғарғы мемлекеттік құрметті атақ – «Қазақстанның халық әртісі» атағының қайта оралғанын дұрыс деген көзқараспен қабылдадым. Себебі Димаш Құдайбергенді, әнші-композитор Батырхан Шүкеновті ел ішіндегі тойларда ғана жүрген әншілермен қатар қоюға, әрине, болмайды. Сондықтан осындай жарық, биік жұлдыздарымызға «Қазақстанның халық әртісі» атағы берілу керек деп санаймын», деді әйгілі әнші Роза Қуанышқызы.