Бұл жолғы саммитте экономикалық ынтымақтастыққа да баса назар аударылып отыр. Осының өзінен-ақ түркі мемлекеттері арасындағы екіжақты көпөлшемді ынтымақтастық қарқын алып келе жатқанын атап өтуге болады.
Бүгінде стратегиялық қарым-қатынасты жан-жақты дамытуға көңіл бөліп отыр. Мәселен, Қазақстан Өзбекстанның Қытай мен Ресейден кейінгі сыртқы сауда серіктестерінің үштігіне кіреді. Биылғы тоғыз айда Қазақстан мен Өзбекстан арасындағы тауар айналымы 3 миллиард доллардан асты. Өзбекстан мен Түркияның да өзара айналымы жыл сайын артып келеді. Биылдың өзінде бұл елмен 370 жаңа бірлескен кәсіпорын құрылды. Сондай-ақ бірлескен жобаларымыз көп. Өзбекстан мен Мажарстан арасында құс шаруашылығы кластерін құру, әуе компаниясын енгізу, дәрі-дәрмек, құрамдас бөліктер мен химиялық өнімдер шығаруды бастау жоспарлары бар. Әзербайжан мен Өзбекстан энергетика, химия, көлік, машинажасау және құрылыс сияқты салаларда әріптестік орнатып жатыр.
Равшан НАЗАРОВ,
Өзбекстан Ғылым академиясы Мемлекет және құқық институтының аға ғылыми қызметкері