Белгілі тележүргізуші Ләйлә Сұлтанқызы желідегі парақшасында бір жыл бұрын өмірден озған жары Қайрат Беркімбаевты есіне алды, деп хабарлайды Egemen.kz.
"Уақыт, не деген жүйрік едің ағын судай…⠀Бүтін жүректің екіге айрылғанына, қабырғамның қайысып, асқар таудың шағылғанына да бір жыл болды.⠀Жүректегі сезімді, кеудедегі қобалжуды жеткізу мүмкін емес. Менің жай-күйімді тағдырластарым ғана түсінер…" деп жазды журналист.⠀Ол күйеуінің жылдық асын бергенін атап өткен.
"Қамшының сабындай қысқа ғұмырда бір-бірімізбен сыйласып қана өтуді жазсын. Барымызды, бақытымызды бағалайық…" дейді Ләйлә Сұлтанқызы содан соң.