«Әл-Жәбрдің атасы» журналы шықты

Тұсаукесер рәсімінде жур­налдың «Әл-Жәбрдің атасы» деп аталу себебіне тоқталған бас редактор, белгілі математик, академик Асқар Жұмаділдаев «Атақ­ты «Әл-жәбр уә-л муқабәла» кітабының авторы Мұ­хаммед әл-Хорезми Арал теңізі маңындағы Хо­резм шаһарында дүниеге келген. Тұран жерінде туып, әлемдік өркениетке орасан зор үлес қосқан ойшыл бүкіл әлемге ортақ тұлға. Сондықтан жур­налдың атауын әлемге аты мәшһүр ғалымның атымен атадық. Менің бала күнімде – «Қазақстан пионері», «Бал­дырған», «Білім және еңбек» сияқты біздер оқитын екі-үш журнал болатын. Елімізде 10 мың­нан аса газет-журнал шығады екен. Бірақ соның арасында ғылымға арналған журнал да, газет те жоқ. Сол себепті осы журналды шы­ғаруды мақсат еттім. «Qalan.kz» платформасының қол­дауымен осы ойым­ды жүзеге асыру мүмкіндігі туды», деп мәселенің мәнісін түсіндірді.

Журналдың ғылыми редакторы Асылтай Тасболат өздерінің тұ­рақты айдарларымен таныстырып өтті. «Зерт­теулер» айдарында жер пла­нетасына қатысты деректер, математикамен тығыз байланысты физика, астрономияға байланысты мақалалар жарияланып, ғы­лым саласында же­тістікке жеткен жастарды насихаттау да назардан тыс қалмайды. Ұлттық ғылым академиясымен бірлескен жо­балар, «Ғылым қазығы», «Қатені тап», «Қазақы өлшемдер», «Жаңарған ұлт­тар», сондай-ақ «Әл-Жәбрдің термин­комы» айдарлары балалар үшін тартымды мақалалармен ерекшеленбек.

Шығарушы редактор Оралай Алейдарованың айтуынша, журналды шы­ғармастан бұрын ғылымды насихаттайтын басы­лым­дарға шолу жаса­лып, жарияланатын ма­қала­ларда оқушылардың жас ерек­шеліктері де еске­рілетін бо­лады. Ондағы мақа­ла­лар балаларға түсінікті тілмен, көңілге қонымды етіп жазылған. Ал әрбір мақала Рәбиға Сатыбалды салған иллюстрациялармен безен­діріліп отыр.

Журналды таныстыру рәсі­мінде «Qalan.kz» жариялаған матема­тикалық олимпиаданың биылғы же­ңімпаздарына ақашалай сыйлықтар табыс етілді.

АЛМАТЫ