Абай облысында жоғалып кеткен ер адам еңбек құлдығында жүрген жерінен табылды, деп хабарлайды Egemen.kz.«
Абай облыстық Полиция департаментінің мәліметінше, іздеуде болған азамат 1973 жылы туған. Оның жоғалып кеткені туралы қарындасы полицияға жүгініп, психикалық ауытқуы бар екенін жеткізген.
«Ақпаратты тексеру барысында ер адамды алдап, байланыс құралдарын тартып алып, Семей қаласынан 200 шақырым қашықта орналасқан шаруа қожалығына алып кеткен екі ер адам ұсталды», - деп жазды ведомстводан.
Ер адам үш апта бойы үй шаруашылығында жұмыс істеуге мәжбүр болған.
Бұл дерек Қылмыстық кодекстің 128-бабы "Адам саудасы" бойынша тіркелді.
Жәбірленуші туыстарына қайтарылды.