Қазақстанда 2026 жылғы 19 шілдеден бастап барлық банктер бірыңғай банкаралық QR-төлемдер жүйесіне қосылуға міндетті болады. Бұл туралы Ұлттық банк мәлімдеді, деп хабарлайды Egemen.kz.
Ұлттық банк мәліметінше, тиісті заңға енгізілген өзгерістер күшіне енгеннен кейін бөлшек төлемдермен жұмыс істейтін барлық банктер жүйеге қосылуға міндеттеледі. Банктер белгіленген мерзімге дейін техникалық дайындықтан өтіп, клиенттерге жаңа сервистерді ұсынуы тиіс.
Қазіргі уақытта 16 банк жүйеге қатысуын растаған. Оның ішінде 12-сі – банкаралық ақша аударымдарды, 7 банк және «Қазпошта» QR-төлемдерді іске қосқан.
Банк шотыңыз бұғатталса не істеу керек?
Ұлттық банк жүйенің техникалық тұрғыдан толық дайын екенін, алайда енгізу қарқыны әр банктің ішкі дайындығына байланысты екенін атап өтті. Бірыңғай QR жүйесін енгізу банктердің өз жеке төлем сервистерін дамытуына шектеу қоймайды.