Туризм және спорт министрлігінің кеңейтілген алқа отырысында күзде өтетін Дүниежүзілік көшпенділер ойынына дайындық барысы туралы айтылды, деп жазады Egemen.kz ведомствоның баспасөз қызметіне сілтеме жасап.
8-14 қыркүйек аралығында өтетін дүбірлі додаға әзірлік жайында «Дүниежүзілік көшпенділер ойындарын дайындау және өткізу жөніндегі дирекция» жетекшісінің орынбасары Абылай Қондыбаев баяндады.
«Ашылу салтанаты «Астана Арена» стадионында өтсе, күрес түрлерінен дода Жақсылық Үшкемпіров атындағы Жекпе-жек сарайында», «Алау» мұз сарайында халық ойындары мен жекпе-жек түрлерінен дода болады. ««Qazaqstan» жеңіл атлетика кешенінде акредиттеу мен жабдықтау штабы орналасады. «Думан» конференц залында дәстүрлі зияткерлік ойындар ұйымдастырылса, «Қазанат» атшабарында ат спорты және көрнекі жарыстар өтеді», деді А.Қондыбаев.