Алматыдан оңтүстік-шығысқа қарай 257 шақырым жерде, яғни Қытай аумағында тағы да жер сілкінді, деп хабарлайды Egemen.kz.
ҚР ТЖМ «Сейсмологиялық байқау және зерттеулер ұлттық ғылыми орталығы» ЖШС сейсмикалық станциялар желісі жерасты дүмпуін Астана уақытымен 13:59-да тіркеді.
«Жер сілкінісінің ошағы Алматыдан оңтүстік-шығысқа қарай 257 шақырым жерде Қытай аумағында орналасқан. Жер сілкінісінің энергетикалық класы - 9,9. Жер сілкінісінің магнитудасы - 4,6», делінген хабарламада.
41 минуттан кейін дәл осы ауданда 4,2 балдық жер сілкінісі болды.
Қазақстан аумағында жер сілкінісі сезілгені туралы мәлімет жоқ.