Батутты гимнастикадан Қазақстан құрама мүшесі Данил Мұсабаев Париж Олимпиадасына жолдама жеңіп алды, деп хабарлайды Egemen.kz.
Olympic.kz-тің мәліметінше Германияның Котбус қаласында Олимпиадаға іріктеу турнирінде финалға өте алмай, 47-орында қалған Данил Мұсабаевтың 2023 жылы Португалияда (9-орын) және АҚШ-та (20-орын) өткен әлем кубогі кезеңдеріндегі нәтижесі есепке алынған.
Айта кетсек, батутты гимнастикадан Олимпиадаға іріктеу турнирі аяқталды. 16 ер және 16 әйел спортшы Париж-2024 додасына енеді.
Қазақстан жалпы есепте 14-орында тұр.