Бұл туралы жедел штабтың жиынын өткізген Премьер-министрдің орынбасары Қанат Бозымбаев мәлімдеді, деп хабарлайды Egemen.kz.
«Бүгін мен Жылыой ауданының Құлсары қаласында болдым. Ондағы жағдай күрделі, бірақ, жаппай дүрбелеңге салынуға негіз жоқ. Өңірде су тасқынымен күресуге арналған барлық ресурстар бар. Жағдайды тұрақтандыру үшін жергілікті атқарушы органдарға орта есеппен 3-4 күн қажет. Іс - қимылдың нақты жоспарын жасау, қажетті қаржыны бөлу, техникаларды, сондай-ақ адами ресурстарды тарту керек», деді Қанат Бозымбаев.