Құтқарушылар 26 мыңнан астам азаматқа көмек көрсетті, деп хабарлайды Egemen.kz Төтенше жағдайлар министрлігінің Мемлекеттік материалдық резервтер комитетіне сілтеме жасап.
Атырау облысындағы су тасқыны жағдайына байланысты Құлсары қаласынан Маңғыстау облысының қалалары мен аудандарына 26 мыңнан астам жергілікті азамат эвакуацияланды.
«Тұрғындар уақытша орналастыру орталықтарына, сондай-ақ туыстары мен еріктілердің қарамағына орналастырылады. Бүгін Үкіметтің тапсырмасы бойынша Төтенше жағдайлар министрлігінің Мемлекеттік материалдық резервтер комитеті эвакуацияланған азаматтарға қордан азық-түлік пен төсек-орындарын таратты», деп хабарлады ведомство.