Алматыда 24 сәуір мен 31 мамыр аралығында Ганди көшесінен Тимирязев көшесіне дейін Батыс Желтоқсан көшесі бойында көлік қозғалысы ішінара шектелді, деп хабарлайды Egemen.kz.
Бұған магистральдық құбырды ауыстыру және жол жамылғысын жөндеу жұмыстары себеп болды.
Алматы әкімдігінің мәліметінше, техникалық қызмет көрсету стандарттары бойынша есептелген алаң 1992 жылдан бері жұмыс істеп келеді. Мониторинг барысында алдағы бес жылда 17 ақау тіркелді.
«Құбырды жөндеу жұмыстары кезінде күн сайын сағат 07:00-ден 22:00-ге дейін Батыс Желтоқсан көшесі бойынша көлік қозғалысы солтүстік бағытта бір жақты болады. Күн сайын сағат 22:00-ден 07:00-ге дейін және демалыс күндері қозғалыс екі жаққа да жабылады. Ганди көшесінен оңтүстік бағытта әл-Фараби даңғылына шығатын жол Қозыбаев көшесі бойынша ұйымдастырылады», деп мәлімдеді әкімдік.
Қалалық мобильділік басқармасы 2 мамырдан бастап Батыс Желтоқсан көшесінде Әл-Фараби даңғылынан Тимирязева көшесіне дейін жөндеу жұмыстарын бастайды.
«Ең алдымен тротуарлар мен арық желілері жөнделеді, бүлінген жиектер ішінара ауыстырылады, содан кейін асфальт жабыны фрезерленеді. Құбырды және асфальт жабынының төменгі қабатын төсегеннен кейін жолдың бүкіл еніне полимерді қолдана отырып, асфальтбетон төсеу жүргізіледі», деп түсіндірді әкімдік өкілдері.
Алматы әкімдігі жүргізушілерден келтірілген қолайсыздықтарға түсіністік танытып, көрсетілген учаскені айналып өту жолдарын қарастыруды сұрады.
Қырмызы ЖҰМАҒАЛИҚЫЗЫ, ЕҰУ студенті