Атырау облысы Махамбет ауданында су тасқыны қаупі сейілген жоқ. Тұрғындардың бас амандығын қамтамасыз ету мақсатында аудандағы Талдыкөл ауылының азаматтары Атырау қаласына көшіріліп жатыр. Бұл туралы Төтенше жағдайлар министрлігі хабарлады, деп жазады Egemen.kz.
Бүгінге дейін Талдыкөл ауылынан 129 тұрғын, оның ішінде 102 бала эвакуацияланды. 138 адам, оның ішінде 62 бала өз беттерімен туыстарының үй-жайларына орналасты.
Эвакуация жұмыстары әлі де жалғасып жатыр.
Айта кетейік, қазіргі уақытта елді мекеннің тұрғын үйлерін су басқан жоқ.