Еліміздің 14 аймағында негізгі ҰБТ басталды. Ал су тасқыны болған 6 өңірде ҰБТ 25 мамырда басталады. Бұл туралы Ғылым және жоғары білім министрлігі Ұлттық тестілеу орталығының директоры Болатбек Әбдірәсілов Орталық комуникациялар қызметі алаңында өткен баспасөз конференциясында айтты, деп хабарлайды Egemen.kz.
«Биыл талапкерлер негізгі ҰБТ-ны 2 рет тапсырады. Қазіргі уақытта 330 мыңға жуық өтініш қабылданды. 181 мың талапкер тестілеуге қатысуға ниет білдірген», деді Болатбек Әбдірәсілов.
ҰБТ жылына 5 рет өтеді: 3 рет – ақылы негізде, ал негізгі ҰБТ бойынша талапкерлер гранттар беру конкурсына қатысу мүмкіндігіне ие болады.