БҚО әкімінің өкімімен Мадияр Амангелдіұлы Өтешев Батыс Қазақстан облысы денсаулық сақтау басқармасының басшысы болып тағайындалды, деп хабарлайды Egemen.kz.
Мадияр Амангелдіұлы 1977 жылы Батыс Қазақстан облысында дүниеге келген.
М.Оспанов атындағы Батыс Қазақстан мемлекеттік университетінде дәрігер-хирург мамандығы бойынша интернатурадан өткен, іскер әкімшілік басқарудың магистрі дәрежесі бар.
Алғашқы еңбек жолын 2004 жылы Жалпақтал ауруханасының дәрігер-хирургі болып бастады. 2005-2011 жылдары Теректі аудандық орталықтандырылған ауруханасының хирургі қызметін атқарды.
2011-2017 жылдары Теректі аудандық орталықтандырылған ауруханасының директоры болды.
2017-2019 жылдары Атырау облысы денсаулық сақтау басқармасы басшысының орынбасары лауазымын атқарды.
2019 жылдан бүгінге дейін облыстық жедел медицина жәрдем станциялары директоры қызметін атқарып келді.
Қырмызы ЖҰМАҒАЛИҚЫЗЫ,
ЕҰУ студенті