Астана қаласының әкімдігі Сығанақ көшесінен Алматы көшесіне дейін Қабанбай батыр даңғылының бойындағы учаске толығымен жабылатынын хабарлады, деп жазады Egemen.kz.
Астана қаласы Көлік және жол-көлік инфрақұрылымын дамыту басқармасының мәліметінше, жол төсемінің жоғарғы қабатын төсеуге байланысты бүгін, 17 маусым сағат 10:00-ден 18 маусым сағат 07:00-ге дейін аталған жол учаскесі жабылады.
Әкімдік елорда тұрғындары мен қонақтарынан қала жолдарындағы кептелістердің алдын алу үшін маршруттарын алдын ала жоспарлауды ескертті.