Әлеуметтік нысандар құрылысымен танысты

Алдымен Шымкенттегі кітапханаға барып, еңбек ұжымымен кездесті. Кітапхана қызметкерлері мәжілісменге сұрақтарын қойып, тиісті жауаптарын алды. Кітапханашылардың жалақыларын көтеру, еңбек демалыстарын 45 күнге дейін ұзарту сынды тілектерін білдірді. Мәжіліс депутаты бұл мәселелер бойынша жазбаша түрде өтініш жазу керектігін айтып, өз тарапынан тиісті мемлекеттік органдарға депутаттық сауал жолдайтынын жеткізді.

Мәжіліс депутаты Асар шағын ауданын­да орналасқан №90 дарынды балалар­ға арнал­ған мамандырылған мектеп-гим­на­­зия­сының ұстаздарымен және осы білім оша­ғында ашылған кадет сыныбы шәкірт­­­терімен кездесті. Жоба бойынша оқу­шыларға құқықтық білім мен әскери-пат­риоттық тәрбие беріледі. Кадет сыныбы­ның оқушылары сабақтан тыс уақытта сапта жүру, алғашқы медициналық көмек көрсету, автоматты бұзып-жинауды үйреніп, спорт­тық жаттығулармен айналысады.

– Елімізде алғаш болып кадет сыныбы ашы­­лыпты. Өте құптарлық бастама.Осы мектепке арнайы келіп отыр­мын. Тұрғын­дармен кездесуде айтылған мәсе­­ле­нің бәрі ұлттық идеологияға қатысты. Мә­де­н­иет саласы өкілдерінің жалақысы, зейнет­­ақы, жер мәселелері көтеріліп жатыр. Жалпы, Шым­кентте көптеген оң өзгеріс бар, – деді Қ.Иса.

Бұдан соң депутат Шымкент қаласы Көк­бұ­лақ елді мекенінде орналасқан мәде­ниет үйі­нің құ­рылыс барысымен танысты. Мердігер ком­­па­ния басшылығы құры­лыс жұмыстары биыл тамыз айында аяқтала­тынын айтып, уәде берді.

Сондай-ақ Игілік елді мекенінде орналас­қан мәдениет үйінде жергілікті тұрғындар­мен кез­десті. Қ.Иса Мәжілісте көтеріліп жүр­­ген мәсе­лелерге кеңінен тоқталды. Тұрғын­дар №82 мектептің ғимараты ескі әрі осы күн­ге дейін балалар 3 ауысымда оқиты­ны жө­нін­де мәселе көтерді. Бұдан бөлек, Қызыл­жар елді мекенінде көшелерге асфальт төсеу, жаяу жүр­гіншілерге тротуар салу, қаңғыбас иттер, Бадам өзенінен су шығару, көпқабатты үйлердің қасбетін жөндеу жайлары да сөз болды.