«Астана Арена» стадионы аумағында жол жамылғысына жөндеу жұмыстары жүргізіледі. Осыған байланысты жолдың Қабанбай батыр мен Тұран даңғылдарын қосатын бөлігі уақытша жабылады, деп хабарлайды Egemen.kz.
«Осыған байланысты осы жылдың 16-19 шілдесінде жоғарыда аталған учаске толығымен жабылады, сонымен қатар Қабанбай батыр даңғылы мен Тұран даңғылы ашылып, іргелес көшелер бойымен көлік қозғалысы жүзеге асырылады», делінген қалалық Көлік және жол-көлік инфрақұрылымын дамыту басқармасы таратқан хабарламада.
Елорда тұрғындары мен қонақтарына қала жолдарында кептеліс болдырмау үшін өз бағытын алдын ала жоспарлауға кеңес беріледі.