Бұл туралы «Алтын-Емел» паркінің инстаграм парақшасынан мәлім болды, деп хабарлайды Egemen.kz.
Хабарламада: «18 шілде күні Біріккен Ұлттар Ұйымының Даму Бағдарламасы, Қазақстан биоалуантүрлілікті сақтау ассоциациясы және табиғат қорғау ұйымдарымен бірлесіп орман шаруашылығы және жануарлар дүниесі комитеті Төрағасы Д.Ғ.Турғамбаевтың төрағалығымен құландарды «Алтын-Емел» мемлекеттік ұлттық табиғи паркінен «Іле-Балқаш» және «Алтын дала» табиғи резерваттарына көшіру мәселелері бойынша жұмыс кеңесі өтті», делінген. Құланды жабайы жылқы деп те атайды. Айрықша қорғауға алынып, Қызыл кітапқа енген.