Ұлу әлемде ең көп тараған жәндік санатына жатады. Осы бір жаратылыс туралы сөз бола қалса, оның баяулығы бірден ойға оралады. Бірақ сол баяу деген жәндіктің де жүйрігі бар.
Жақында ғана Англияның Конгхэм қаласында ұйымдастырылған ұлулар арасындағы әлем чемпионаты өз мәресіне жетті. Айта кетейік, бұл байқау жыл сайын дәстүрлі түрде өтеді. Биылғы жарыстың жеңімпазы Джефф есімді кәсіби ұлу болды. Ол 34 сантиметр қашықтықты 4 минут 3 секундта еңсерді. Джеффтің иесі, Линкольнширдан келген Саймон Лиллей ұлуын көктемнен бастап жаттықтырған. «Еңбек ақталды» деген осы, мінекей.