Ең қысқа әңгіме • 11 Желтоқсан, 2024

Әлеуметтік желі: әдеп пен мәдениет

Ағам амандасу мақсатында ұсынған қо­лымды жөндеп алмады. Қолын нем­құрайды соза салды. Теріс қарап отырып алды. Түсі суық көрінетін, бірақ іші жы­лы ағам­ның кейде өстіп қалатыны бар. Оны­сы – өтірік өкпелегенсігені, назданға­ны, өзімсінгені. Мұны біліп тұрсам да жең­геме қарап «тыныштық па?» дегендей иек қақ­тым. Жеңгем оң көзін қысып, жымия басын шұлғыды. Мұнысы «ағаңды өзің түсі­несің, әлденеге ренжіп отырғанын саған өзімсініп сездіріп жатқаны, оның үстіне әлдебір әңгіме бастарда кіріспесін осындай әрекетпен әрлейтінін білесің ғой» дегені.

Ең қысқа әңгіме • 05 Желтоқсан, 2024

Балтиморда кездескен Елімай

Американың «Amtrack» пойызы зулап келеді. Барар бағытымыз – Delaware штатының Wilmington қаласы. Қасымда отырған қара жігіт өте шыдамсыз болып шықты. Аяқкиімін шешіп алып, терезеге қойып суретке түсірді. Одан кейін қайта киіп, орындықтарды аралап әрі-бері жүрді.

Ең қысқа әңгіме • 04 Желтоқсан, 2024

Жықаң. Катя жеңге. Көкдөнен

Жылқыбай көкем қарт әке-шешесінің жалғызы еді. Содан ба, бетіне ешкім жел болып тиген емес. Бала күнінен ерке, шолжаң болып өсті. Сол еркелігі есейгенде де қалған жоқ. Жастық па, әлде мастық па, жалындаған жігіт кезінде екі-үш рет бас құрапты. Соңғы жеңгеміз – Катяны алғаннан кейін ғана байыз тапқан. Жеңгеміз Қостанайдан. Орта бойлы. Қасы-көзі қиылған қара торының әдемісі. Көп сөйлемейді. Бірақ екі тілге жүйрік. Әсіресе орысшасы басым.

Ең қысқа әңгіме • 23 Қараша, 2024

Ақылды келіншек

Шымкентте тұрғанымызда өзара сәлеміміз түзу бір көрші жігіт болды, менен жасы кіші. Ол азанда жұмысына нық басып кетіп бара жатады, ал кешке көбіне үйіне мас күйде сүріне-қабына келе жатқаны. Өзі – құрылысшы. Жалпы, жайдары жігіт... Шалт қимылды. Сөзшең. Жайшылықтың өзінде, яғни ішпей-жемей-ақ еліріп, екпіндеп сөйлейді, жүрісі де жылдам. Онсызда ішінде «қызуы көтеріліп» жүретін жан спиртті ішімдік ішсе, не болады?..

Ең қысқа әңгіме • 16 Қараша, 2024

«Бар екен ғой, бар екен жақсы адамдар»

Өзім тікелей куә болған осы бір оқиға туралы кімге айтпадым десеңізші... Талайлармен өзара әңгімелесулерде тақырып ауаны жол көлік оқиғасы немесе қайырымдылық бағытына ойысса мен жұмбақтап отырған сол бір көрініс есіме түсе кетеді.

Ең қысқа әңгіме • 07 Қараша, 2024

Құлабыз

Қалада қарашаның қара жаң­быры сібірлеп тұрған. Ұлым Жансүгір екеуміз есік алдында оны-мұны сөз етісіп, бүрісіп тұр едік. Дәл редакция орналасқан ғи­мараттың төбесінен топ-топ қайтқан құстың тізбегі мол­даның тәспісіндей сап түзеп, оңтүстікке қарай маңып бара жатты.

Ең қысқа әңгіме • 18 Қазан, 2024

Ізгі амалдың қайыры

Шымкенттегі А.Байтұрсынұлы көшесі бойындағы «киоскінің» алдын­да кезекте­­­ тұрмын. Алдымда он шақты адам бар. Кезек жыл­­жыр емес. Бір кезде суағар бетон арықтың ішінде қып-қы­зыл бо­лып бес мың теңге жатқанын көзім шалды. Арық құр­ғақ. Ауада аз­да­ған желтең бар. Көзді арбаған жарық­тық­ бес мыңдық әлсіз жел­теңмен дір-дір етеді. Ол кезде бұл банкнот теңге атаулының ішіндегі төресі еді. Он мың тең­ге­лік шыға қой­маған.

Ең қысқа әңгіме • 05 Қазан, 2024

Қайдасың, қазақы «шагом марш!»

Пойызға отырдық. Бағыты­мыз – «Астана – Шымкент». Купе. Мен кіргенде іште қазақтың жа­сы жетпіске жақындаған қара­пайым қариясы мен жас жігіт отыр. Сыпайы амандастық. Олар мен келгенге дейінгі өзара әңгімелерін жалғастырды.

Ең қысқа әңгіме • 20 Қыркүйек, 2024

Аңшы сабағы

Жалпы, мұғалімнің көбі балаға табиғат, жан-жануарлар туралы айтқанды дұрыс көреді. Мұның да бір мәнісі бар екенін кейін аңғардық. Біріншісі – тұспалдау. Яғни қалпыптасқан бейне арқылы (түлкі – қу, аю – жыртқыш, қоян – қорқақ т.б.) тәрбие беру. Екіншісі – табиғат, жан-жануар әлеміне бойлату. Мысалы, біз өскен өңірде жылан туралы аңыз көп айтылатын. Бір қызығы, көбі қорқынышты еді. Естияр шағымызда білдік қой, соның басым бөлігі үлкендердің көрші жұрт түсінігінен (кітап, фильм) алған «олжасы» екен. Мысалы, дәстүрлі қазақ ұғымында сол жылан – «шағып алатын жәндік» емес, байлық пен ақылдың серті екен. «Ер Төстік» ертегісі есіңізде шығар.