Астанада 8 тамызда дауыл тұрып, бұршақ жауды. Қолайсыз ауа райынан Air Astana әуекомпаниясына тиесілі 4 ұшақ зақымданған. Бұл туралы компанияның баспасөз қызметі хабарлады, деп жазады Egemen.kz.
Қазір әуекомпания инженерлері зақымданған ұшақтарды тексеріп, жөндеп жатыр. Ал жөндеу жұмыстары бірнеше күнге созылмақ. Осыған байланысты Air Astana әуекомпаниясы рейстердің кешігуі мүмкін екенін мәлімдеді.
«Жолаушыларымыздан әуежайға жол тартпас бұрын рейс статусын әуекомпания сайтында тексерулерін сұраймыз», делінген Air Astana таратқан хабарламада.